भक्तपुर । विश्व फुटबलको महाकुम्भ मेला २३ औं संस्करणको फिफा विश्वकप सुरु हुन अब मात्र चार दिन बाँकी छ ।

जुन ६ तारिखदेखि सुरु हुने प्रतियोगिता संयुक्त राज्य अमेरिकासंगै मेक्सिको र क्यानडाले संयुक्त रुपमा आयोजना गर्दैछ ।

एक महिनाभन्दा बढी सञ्चालन हुने प्रतियोगिताको फाइनल खेल जुलाइ २० तारिखमा हुनेछ ।

अमेरिकाका ११, मेक्सिकोका ३ तथा क्यानडाका २ सहरमा प्रतियोगिता सञ्चालन हुनेछ ।

विश्व फुटबलको सर्वाच्च निकाय फिफाको आयोजनामा हुने प्रतियोगितामा यसपल्टदेखि ४८ राष्ट्रहरुले सहभागिता जनाउँदै छन् ।

यसअघि ३२ राष्ट्रहरुमात्र खेल्ने गर्दथ्यो ।

प्रत्येक चार टोलीलाई एक समूह गरि १२ वटा समूह विभाजन गरिएको छ ।

प्रत्येक समूहका विजेता तथा उपविजेता राउण्ड अफ ३२ मा पुग्नेछन् भने समूहको तेस्रो स्थानमा रहने टोलीमध्ये उत्कृष्ट ८ टोलीले पनि नकआउट चरणमा स्थान सुनिश्चित गर्नेछ ।

उद्घाटन खेलमा सह–आयोजक राष्ट्र मेक्सिको र दक्षिण अफ्रिका भिड्दै छन् ।