भक्तपुर । फ्रान्सेली महारथी पेरिस सेन्ट जर्मन (पिएसजी) युरोपेली क्लब फुटबलको शीर्ष प्रतियोगिता युईएफए च्याम्पियन्स लिगको फाइनलमा प्रवेश गरेको छ ।

बुधवार राति भएको सेमिफाइनलअन्तर्गत दोस्रो लेग खेलमा जर्मन महारथी बायर्न म्युनिखसंग १–१ को बराबरी खेल्दा समग्रमा ६–५ को जित रच्दै साविक विजेता पिएसजी फाइनलमा प्रवेश गरेको हो ।

त्यसअघि सेमिफाइनलअन्तर्गत पहिलो लेग खेलमा पिएसजी ५–४ ले अघि रेहेको थियो ।

म्युनिखस्थित एलियान्ज एरिना रंगशालामा भएको खेलमा पिएसजीका लागि ओसमाने डेम्बेलेले गोल गर्दा घरेलु टोलीका लागि ह्यारी केनले गोल फर्काए ।

योसंगै उपाधि रक्षा अभियानमा रहेको पिएसजीले अब फाइनलमा इंग्लिस टोली आर्सनलको सामना गर्ने भएको छ ।