भक्तपुर । आसन्न फिफा विश्वकपको तयारी स्वरूप खेलिएको अन्तर्राष्ट्रिय मैत्रीपूर्ण खेलमा फ्रान्स आइभरी कोस्टसंग स्तब्ध बनेको छ ।

विहिवार राति भएको अभ्यास खेलमा बलियो विश्वकपको साविक उपविजेता फ्रान्स अफ्रिकी टोली आइभरी कोस्टसंग २–१ ले स्तब्ध बनेको हो ।

फ्रान्सको नान्टेसमा भएको खेलमा पहिलो हाफको ४५ औं मिनेटमा रायन चेर्कीले गोल गर्दै घरेलु टोलीलाई १–० को अग्रता दिलाए ।

तर, दोस्रो हाफको ५३ औं मिनेटमा गुइला डौएले गोल फर्काउँदा खेल १–१ को बराबरीमा आयो ।

त्यसपछि ८४ औं मिनेटमा एमड डियालोले गोल गर्दा आइभरी कोस्ट २–१ ले विजयी भयो ।