भक्तपुर । नेपालले आईसीसी क्रिकेट विश्वकप लिग २ मा युनाइटेड अरब इमिरेट्स (युएई) माथि जित रचेको छ ।

सनिवार भएको खेलमा नेपालले चिरपरिचित एसोसियट प्रतिद्वन्दी युएईमाथि ३७ रनको जित रचेको हो ।

काठमाडौंको क्रीतिपुरस्थित टियु क्रिकेट मैदानमा भएको खेलमा टस हारेर पहिला ब्याटिङमा आएको नेपालले ४८.२ ओभरमा अलआउट हुँदै २०० रन जोड्यो ।

नेपालका लागि दिपेन्द्र सिंह ऐरीले ९० बलको सामना गर्दा ५ चौका र २ छक्का प्रहार गर्दै ७५ रनको अर्धशतकिय पारी खेले ।

दोस्रो इनिङ्समा २०१ रनको सामान्य विजयी लक्ष्यका साथ जवाफी ब्याटिङमा आएको युएईलाई नेपालले ४८.२ ओभरमा १६३ रनमा अलआउट गर्यो ।

नेपाललाई जिताउन करण केसीले सर्वाधिक ४ विकेट लिँदा सन्दिप लामिछाने र सोमपाल कामीले २–२ तथा दिपेन्द सिंह ऐरी र ललित राजबंशीले १–१ विकेट लिए ।

जितसंगै नेपालले महत्वपूर्ण २ अंक जोडेको छ ।

योसंगै नेपालले ओडिआई स्टाटस कायम राख्ने सम्भावना कायमै राखेको छ ।